Upacara Adat

https://belajar.kemdikbud.go.id/PetaBudaya/Konten/PetaBudaya/78

Upacara adat yaiku kegiatan kang ditindakake dening suku utawa kelompok masyarakat kanthi bebarengan lan turun temurun. Ing tanah Jawa mligine ing Jawa Tengah akeh banget diprangguli upacara adat saka metu, manten lan mati.

Upacara adat metu :

ngupati
mitoni/tingkeban
brokohan
puputan
tedak siten

Upacara adat manten:

madik
salaran
nontoni
lamaran
singsetan
siraman
midodareni
nyantri
panggih
balang gantal
timbangan
kacar-kucur
dhahar klimah
sungkeman

Upacara adat mati:

ngangkatke layon
krobongan
mitung dina
matang puluh
nyatus
nyewu
mendhak

Upacara kang dianakake karo masyarakat sakliyane kang magepokan karo metu, manten lan mati uga ana upacara adat kang dilakoni dening masyarakat kayata: ruwatan bocah sukerta, bersih desa, upacara panen asil tetanen, labuhan, larung sesaji, sekaten, sekaten lan liya-liyane.

Ing tlatah Wonosobo mligine Dieng ana upacara adat kang kawentar yaiku ruwatan cukur rambut gembel. Ruwat (rumuwat) utawa mangruwat nduweni teges ngilangake kutukan, ngilangake memala utawa mbebasake manungsa saka batara kala.

Bocah gembel ing tlatah Dieng magepokan karo Kyai Kaladete, salah sijine pawongan kang melu bubak kutha Wonosobo. Bocah gembel dipercaya titisane Kyai kaladete. Ancas saka upacara ruwatan rambut gembel yaiku nyenyuwun marang Gusti Kang Maha Agung kanggo ngilangi memala lan ngluwari saka pengaruhe kesaktiane roh Kyai Kaladete. Dipercaya masyarakat menawa wis dicukur bocah kasebut bakal slamet uripe.